Како да се стане неопходен

Додека технологијата му овозможува на процесот на производството да биде побрз и поточен, како да се справат добавувачите со променетите процеси и пребирливите клиенти? Томас Куре Јакобсен (Thomas Kure Jakobsen), генерален директор на DS Smith за Северна Европа, предлага четири начини преку кои добриот стратег за амбалажа може да стане најдобриот пријател на клиентот.

Задоволувањето на точните и конкретните потреби на клиентите е токму тоа што треба да го направат претпријатијата во синџирот на набвака. Во нашиот свет со сè поголема конкуренција, клиентите очекуваат брилијантна услуга на секој чекор, а тоа значи фокусирање кон квалитет и доследност.

Историски гледано, индустријата за амбалажа немала којзнае колкав углед што се однесува до услугата на клиентите, бидејќи бројките за DPPM (дефектни делови по милион) и OTIF (навремена и целосна достава) биле мошне пониски отколку во други индустрии. Секако, постојат оправдани причини за ваквата состојба, но тој углед не им помогнал на производителите на амбалажа.

Меѓутоа, технологијата сега менува сè. Можеме да изработиме кутии со помалку несовршености, помали печатени етикети и со поточни спецификации. Како резултат на тоа, клиентите бараат повеќе и очекуваат повисоки стандарди. Тогаш, како да одговорат добавувачите на ваквата ситуација?

Позитивна промена

Првото решение е целосно да се прифатат промените. Секојпат кога ќе направиме подобрување, очекувањата на клиентите се зголемуваат ниво погоре. Тоа е позитивно сè додека синџирот на набавка се држи на свои нозе, додека сме желни за подобрување и се поттикнуваме себеси да бидеме подобри во тоа што го работиме. Тоа значи дека немаме многу простор за одмор – мора постојано да воведуваме иновации и да ја подобруваме нашата понуда.

Многу е битно да се посветиме на квалитетот на производот (да одговара за намената и секојпат да изгледа исто како што треба) и да нудиме ниво на услуги над просекот во индустријата. За нас тоа значеше развој во реално време, софтвер за тестирање на квалитетот којшто е единствен таков во индустријата и да им дадема на нашите клиенти одредено ниво на сигурност, доследност и потврда дека не можат да го добијат истото однекој друг снабдувач.

Да се стане неопходен

На крајот, тајната за градење цврсти односи со клиентите и задоволување на нивните потреби лежи во способноста за станување делотворен дел од тимот на клиентот, а не да се биде само уште еден снабдувач. Треба да бидете видени како компанија кај која би ве упатиле. Доколку некоја компанија се соочи со тешкотија во своето работење. ќе сакате нејзината непосредна реакција да биде во тоа што ќе се вратат кон вас како партнерр во синџирот на набавка и извор на инспирација, креативност и поддршка. За да изградите ваков углед, треба да докажувате безброј пати дека сте тука да ги ислушате и да ги разберете нивните пазарни и дневни потреби.

Кога станува збор за албалажата, нема универзално решение. За да се задоволат вистински потребите на клиентите, стратезите за амбалажа треба на секој клиент поединечено да му понудат единствено производно решение и да разберат што им треба најмногу. Во денешно време, клиентите сакаат решенија со кои се намалуваат отпадот, јаглеродните емисии, трошоците (за да се зголеми заработката), со кои се управува со ризиците и се зголемува продажбата, а можеби некои клиенти имаат и други барања. Затоа е многу значајно да се вовлечете под кожа и да воспоставите тесна соработка со клиентот за да ги разберете неговите приоритети.

Блиска соработка

Поради оваа причина основавме центри на влијание и PackRight® центри ширум Европа. Овие центри се јасно дизајнирани заради додадена вредност во корист на клиентите. Тие центри овозможуваат практично опкружување каде се збираат дизајнери за амбалажа и клиенти, било да се работи за производство, логистика, маркетинг или набавка, со цел да истражат што може да постигне вистинската амбалажа преку е-трговија или во продавниците во моментот на вистината при соочувањето со купувачите или во текот на целиот логистички процес. Центрите на влијание се направени да изгледаат како вистински супермаркет со магацински простор со што им се овозможува на клиентите да добијат увид во делотворноста на амбалажата во околина од реалниот свет.

Влегување во дигитална ера

Друг клучен развој во последнава деценија кој што им овозможи на компаниите за амбалажа подобро да ги задоволат барањата на клиентите е дигиталното печатење.  Тоа овозможува помали печатени етикети и ја зголемува можноста за персонализација или приспособување според потребите. На пример, сега е многу едноставно да се отпечати логото на компанијата, како и да се понудат подоследни нивоа за совпаѓање на боите и печатење слики со висок квалитет. Дигиталното печатење може да се искористи и за печатење на слабо искористените места од амбалажата, како што е внатрешноста, но и за техники против фалсификување и секвенцијални бар-кодови.

Мислиме дека клиентите сакаат да дознаат за нашите решенија за дигитално печатење, дури и ако тоа не е неопходно за нивната амбалажа. Со придобивки, како што се многу ниски количини на нискотиражни порачки, намалени трошоци за започнување и поголема брзина до пазарот, дигиталното печатење несомнено ќе стане уште поважна потреба за задоволување на клиентите во иднина. 

Не е над имагинацијата да се предложи дека ќе дојде до момент во иднина кога, со користење дигитална технологија, сите снабдувачи секогаш ќе можат да создаваат совршена кутија. Кога ќе дојдеме до таа точка, различностите меѓу добавувачите на амбалажа ќе се сведе на стручност, иновации и услуга. Градењето вистинско партнерство со клиентите кога веќе станувате неопходно продолжение на нивниот тим е вистинското нешто за управување на односите со клиентите.