DS Smith му помага на Toms Group да ја зголеми продажбата за Ноќта на вештерките

Toms Group ги произведува омилените чоколада и слатки во Данска од 1925 година; богато и вкусно минато засновано на мајсторија, трудољубивост и претпазливост. Ноќта на вештерките е пресудно време за производителите на колачи, па затоа стапија во контакт со DS Smith со предизвик.

Предизвик

Да се зголеми продажбата на чоколади и колачи како дел од продажната кампања на Toms Group за Ноќта на вештерките во данските супермаркети низ целата земја. Штандот ќе треба да ја зголеми продажбата и ќе треба да вклучува простор за шест прикриени еуропалети.

Нашиот пристап

Тимот на DS Smith, составен од раководител за работа со клиенти, дизајнер и помошник од службата за поддршка на корисници, разви куќа со големина доволна да скрие шест еуропалети која ќе има прозорци за прикажување на чоколадата и колачите.

Структурата се состоеше од рамка од брановиден картон и 20 различни печатени листови со илустрации на тема Ноќ на вештерките. Куќата се испорачува несклопена до секоја поединечна продавница на Bilka со упатства за склопување снимени на видеозапис за да може персоналот на Toms Group лесно да ја изгради конструкцијата на самото место. Рамката се склопува со интуитивен систем на составување, а печатените листови се залепени на рамката со двојна леплива лента.

Резултати

• Зголемена продажба за 10% во споредба со просечната продажба во водечки синџир на хипермаркети.
• Намалени трошоци за транспорт затоа што штандот е лесен и оптимизиран за транспорт на еуропалети.
• Допадлив и привлечен начин од голем обем за да им се прикажат производите на потрошувачите.
• Намалено ракување со залихите со тоа што производот ќе се чува на еуропалети внатре во куќата.
• Брзо склопување со нашиот систем за брзо составување и јасни видеоупатства.