Одржлива заштита на нежната електроника

Неодамна ѝ помогнавме на една мултинационална телекомуникациска компанија да ги намали емисиите на јаглерод диоксид со тоа што ја направивме амбалажата за кршливи електронски уреди да биде поеколошка.

Предизвик

Одржливоста е високо поставена на распоредот од оваа голема телекомуникациска компанија; таа има своја стратешка заложба да го намали испуштањето на јаглерод диоксид во своето работење. Сепак, поради загриженоста од кршливоста на илјадниците електронски уреди што ги испорачува во целиот свет секоја година, уредите се транспортираа во нееколошка пластична амбалажа. Бидејќи не се рециклира, потребно беше ново и поеколошко решение.   

Новото решение требаше да биде направено од материјали врз база на влакна со соодветна заштита на нежните уреди за време на какви било услови на транспорт; било по автопат, железница, воздух или вода. Ќе треба да го положи најтешкиот тест на компанијата за проверка на заштитата – тест резервиран за валидација на амбалажата за нејзините најнежни уреди. Врз основа на стандардите ASDM D419609, тестот вклучува паѓање, вибрации и компресија, како и тестови за да се овозможи соодветна заштита од влага. 

Нашиот пристап 

Ние одговоривме на барањето од компанијата за понуда со предлог за решение врз основа на еден од нашите иновативни дизајни во предразвојна фаза. Решението се состоеше од два дела: исклучително цврст и лиен целулозен елемент изработен целосно од рециклирани материјали и надворешна хартија со мултиваријабилен слој за да се овозможи заштита од дожд, прскање, влажност и морска вода. Решението по мерка вклучуваше и вградена рачка за лесно носење и отвор во целулозниот елемент за да се смести држачот за на ѕид од уредот. 

Одушевена од нашиот дизајн, компанијата го стави на обемно тестирање за заштита. Помина без никакви проблеми. По усвојувањето на амбалажата минатата пролет, се очекува успехот на амбалажното решение од DS Smith значително да порасне во наредните години како што се зголемува неколкукратно бројот на испорачани производи во сите делови на светот.

Резултат 

Решението не е само цврсто и одржливо; тоа помага и да се намали трошокот за транспорт на амбалажата во станицата за пакување. Хартијата може да се транспортира рамна, а помошните елементи се редат, па затоа е потребен само мал процент на простор отколку претходната пластична амбалажа. Бројот на побарани испораки беше значително намален. Освен тоа, се склопуваат многу брзо и лесно по пристигнувањето. 

DS Smith е горд што ја поддржува оваа мултинационална компанија во нејзиниот поодговорен и поодржлив пристап до бизнисот – и го остварува ветеното да го намали испустот на јаглерод диоксид.